काठमाडौं । प्रतिनिधिसभाअन्तर्गत इलाम–२ मा आइतबार सम्पन्न उपनिर्वाचनमा नेकपा एमालेले फराकिलो अग्रता बनाउँदै गएको छ ।
सोमबार बिहानसम्मको अपडेटअनुसार एमालेका उम्मेदवार सुहाङ नेम्वाङले कांग्रेसका डम्बरबहादुर खड्कासँग २३ सय ८२ मतको फराकिलो अग्रता बनाएका छन् । सुहाङ सात हजार ६७७ मत ल्याएर पहिलो स्थानमा छन् भने उनलाई खड्काले पाँच हजार ३९५ मतसहित पछ्याइरहेका छन् ।
यस्तै पहिचान पक्षधर स्वतन्त्र उम्मेदवार डकेन्द्रसिंह थेगिमले चार हजार ५८ मतसहित तेस्रो स्थानमा रहेको छ । राष्ट्रिय स्वतन्त्र पार्टी (रास्वपा)का मिलन लिम्बू एक हजार ६२ मत पाएर चौथो स्थानमा छन्।