काठमाडौं । गोर्खाज फाइनान्स लिमिटेडको सञ्चालक समितिको अध्यक्षमा गौरव बुढाथोकी चयन भएका छन् । शनिवार साँझ बसेको सञ्चालक समितिको बैठकले बुढाथोकीलाई रिक्त रहेको अध्यक्ष पदमा सर्वसहमत चयन गर्ने निर्णय गरेको हो ।
उनी सर्वसाधारण शेयरधनीको तर्फबाट सञ्चालक समितिको अध्यक्ष बनेका हुन् । यसअघिका अध्यक्ष डेकिन्द्र कुमार राईले राजीनामा दिएका थिए । उनको राजीनामा पनि स्वीकृत गर्ने बैठकले निर्णय गरेको छ ।