काठमाडौं । चालू आर्थिक वर्षको तेस्रो त्रैमाससम्म आँखुखोला जलविद्युत कम्पनी लिमिटेडले २५ लाख ७२ हजार रूपैयाँभन्दा बढी खुद नाफा गरेको छ । गत वर्षको यसै अवधिसम्म कम्पनीले ८६ लाख ५२ हजार रूपैयाँभन्दा बढी खुद नाफा गरेको थियो ।
यस वर्ष विद्युत विक्री आम्दानी घटेसँगै यस वर्ष खुद नाफा कम भएको हो । गत वर्ष १५ करोड ४५ लाख रूपैयाँभन्दा बढी विद्युत विक्री आम्दानी गरेको कम्पनीले यस वर्ष १४ करोड ४ लाख रूपैयाँभन्दा बढी मात्र विद्युत विक्री आम्दानी भएको हो ।
वित्तीय खर्च गत वर्ष ८ करोड रूपैयाँभन्दा बढी रहेकोमा यस वर्ष ८ करोड ६१ लाख रूपैयाँभन्दा बढी रहेको हो । हाल कम्पनीको चुक्तापूँजी ८० करोड रूपैयाँ रहेको छ । जगेडा कोष रकम भने २४ करोड ४५ लाख रूपैयाँभन्दा बढी ऋणात्मक रहेको छ ।
दिर्घकालिन कर्जा १ अर्ब १६ करोड रूपैयाँभन्दा बढी रहेको कम्पनीको अल्पकालिन कर्जा भने ८ करोड ७० लाख रूपैयाँभन्दा बढी रहेको छ । तेस्रो त्रैमाससम्म कम्पनीको प्रतिशेयर आम्दानी ४३ पैसा रहेको छ भने प्रतिशेयर नेटवर्थ ६९ रूपैयाँ रहेको छ ।