एजेन्सी । अन्तर्राष्ट्रिय मुद्रा कोष (आईएमएफ)ले अप्रिल १६ मा भारतको लागि कुल ग्राहस्थ उत्पादन(जीडीपी)को वृद्धि दरको अनुमान बढाएको छ। आईएमएफले यसलाई ०.३० प्रतिशतले बढाएर ६.८ प्रतिशत गरेको छ । यसअघि जनवरीमा आईएमएफले आर्थिक वर्ष २५ मा देशको अर्थतन्त्र ६ दशमलव ५ प्रतिशतको दरले वृद्धि हुने अनुमान गरेको थियो ।
आईएमएफले घरेलु मागको अवस्था र बढ्दो काम गर्ने उमेरको जनसंख्यालाई उद्धृत गर्दै भारतको वृद्धि दर अनुमान बढाएको छ। योसँगै, भारत विश्वको सबैभन्दा द्रुत बृद्धि हुने अर्थतन्त्र बनेको छ । जुन सोही अवधिमा चीनको वृद्धिदर अनुमानित ४.६ प्रतिशतभन्दा अगाडि छ।
आईएमएफले आर्थिक वर्ष २०२६ मा भारतको जीडीपी वृद्धि दर ६.५ प्रतिशत हुने विश्वास गरेको छ । ग्लोबल फाइनान्सियल एजेन्सीले भारतको खुद्रा मुद्रास्फीति २०२५ मा ४.६ प्रतिशत र २०२६ मा ४.४२ हुने अनुमान गरेको छ।
आईएमएफले जारी गरेको विश्व आर्थिक दृष्टिकोणको पछिल्लो संस्करणले भारतको वृद्धिदर २०२४ मा ६.८ प्रतिशत र २०२५ मा ६.५ प्रतिशत हुने अनुमान गरेको छ । जसले घरेलु मागमा निरन्तर बल र काम गर्ने उमेरको बढ्दो जनसंख्यालाई झल्काउँछ।