सनराइजको नयाँ क्यालेन्डर विमोचन


आर्थिकन्यूज

काठमाडौं, वैशाख ३ । सनराइज बैंक लिमिटेडको नयाँ वर्ष २०७५ सालको क्यालेन्डरको विमोचन गरेको छ । सोमबार बैंकले एक औपचारिक समारोहका बिच बैंकको केन्द«ीय कार्यालय, गैरिधारामा क्यालेण्डर बिमोचन गरेको छ ।

Eco Roofing

बैंकले विभिन्न पत्रपत्रिकाहरुमा १ वर्ष भित्र प्रकाशित विभिन्न विद्यालयमा अध्ययनरत कक्षा १ देखि कक्षा ५ सम्मका बालबालिकाहरुका चित्रहरूलाई आफ्नो क्यालेन्डरमा समावेश गरेकोे छ । स–साना बालबालिकाहरुले आफ्ना मानसपटलमा रहेका सोच, जिज्ञासा तथा रचनाहरुलाई चित्रकारीताको माध्यमबाट अभिव्यक्त गरेकोमा बालबालिकाकोे प्रतिभालाई अझै प्रस्फुटन र प्रोत्साहन गर्ने उद्देश्यले बैंकले उक्त चित्रहरूलाई समावेश गरेको हो ।

उक्त विमोचन समारोहमा बैंकका अध्यक्ष मोतीलाल दुगड, संचालकहरू ई.बच्छराज तातेड, दीपक नेपाल, ज्योती कुमार बेगानी तथा प्रमुख कार्यकारी अधिकृत रत्नराज बज्राचार्यले संयुक्त रुपमा बालबालिकाहरुलाई प्रोत्साहन स्वरुप नगद तथा खाद्य सामाग्रीहरु प्रदान गरे ।

साथै बैंकको भरतपुर र झुम्का शाखा कार्यालयहरुको शाखा प्रमुखहरुद्धारा उपत्यका बाहिरका चित्रकार बालबालिकाहरुलाई यस बैंकको क्यालेन्डरमा उनीहरुको प्रकाशित रचनाको लागि प्रोत्साहन स्वरुप नगद तथा खाद्य सामाग्रीहरु प्रदान समेत गरेको छ । उक्त अवसरमा बालबालिका तथा निजका अविभावकहरूले बैंकले यस्तो फरक सोच तथा कार्यले स–साना बालबालिकालाई थप प्रोत्साहित तथा प्रेरणा मिल्ने विचार व्यक्त गर्दै बैंकलाई धन्यबाद दिए ।

फेसबुकबाट तपाईको प्रतिक्रिया