पहिलो चरणको मतगणना ५ बजेपछि, दलका प्रतिनिधिले मतपत्र छुन नपाउने


आर्थिकन्यूज

काठमाडौं, मंसिर २१ । मंसिर १० मा सम्पन्न पहिलो चरणको निर्वाचनको मतगणना साँझ ५ बजेदेखि नै शुरु हुने भएको छ । पहिलो चरणमा ३२ जिल्लाका ३७ प्रतिनिधिसभा निर्वाचन क्षेत्रमा मतदान भएको थियो । मतदान सकिएको ११ दिन पछि मतगणना गर्न लागिएको हो ।

पहिलो चरणमा निर्वाचन भएका जिल्लाहरुमा सर्वदलिय बैठक सकेर मतगणना शुरु गर्ने निर्वाचन आयोगले जनाएको छ । आयोगका अनुसार मतपेटिकाको शिल तोडी सकेपछि शुरुमा बदर मत छुट्याईने आयोगले जनाएको छ ।

दलका प्रतिनिधीहरुले मतपत्र छुन नमिल्ने गरि मतगणनाको व्यवस्था मिलाइएको छ । दलका प्रतिनीधिहरुले नजिकबाट देख्न मिल्ने तार जाली भित्र निर्वाचन आयोगका कर्मचारीले मत गन्नेछन् ।

फेसबुकबाट तपाईको प्रतिक्रिया