हाइड्रोको लगानीले कस्तो दिंदैछ प्रतिफल ?


हाइड्रो

काठमाडौं, साउन ३० । जलविद्युत लगानी तथा विकास कम्पनी लिमिटेड सहित सूचीकृत १६ जलविद्युत कम्पनी मध्ये सात कम्पनीले दोश्रो त्रैमासको वित्तीय विवरण सार्वजानिक गरेका छन् । सार्वजानिक विवरण अनुसार अधिकांश जलविद्युत कम्पनीको मुनाफा बढेको छ । अरुण काबेली पावर लिमिटेडको शेयर मुनाफा घटेको देखिन्छ ।

जलविद्युत लगानी तथा विकास कम्पनीको प्रतिशेयर आम्दानीमा दोब्बरले वृद्धि

जलविद्युत लगानी तथा विकास कम्पनी लिमिटेड (Jalabidyut Lagani tatha Bikas Co. Ltd.) ले आर्थिक वर्ष २०७३/७४मा ४९ करोड ९ लाख ७८ हजार रुपैयाँ खुद नाफा आर्जन गरेको छ । जुन अघिल्लो वर्षको सोही अवधिको तुलनामा ९३ प्रतिशत बढी हो । अघिल्लो वर्षको सोही अवधिमा कम्पनीको मुनाफा २५ करोड ४० लाख २७ हजार रुपैयाँ थियो ।

सो अवधिमा कम्पनी (HIDCL) को प्रतिशेयर आम्दानीमा दोब्बरले वृद्धि भएको छ । अघिल्लो आवमा २ रुपैयाँ ५४ पैसा प्रतिशेयर आम्दानी रहेको कम्पनीको यो आर्थिक वर्षमा प्रतिशेयर आम्दानी ४ रुपैयाँ ९१ पैसा रहेको छ ।

१० अर्बरुपैयाँ चुक्ता पूँजी भएको कम्पनीको जगेडाकोषमा ९८ करोड ९९ लाख ८८ हजार रुपैयाँ राखेको छ । सञ्चालन मुनाफा गत वर्षको तुलनाभन्दा ५६ दशमलव ६३ प्रतिशतले बढेर ८० करोड १५ लाख रुपैंयाँ पुगेको छ । अघिल्लो वर्षको सोहि अवधिमा संचालन मुनाफा ५१ करोड १७ लाख रुपैयाँ रहेको थियो ।

कम्पनीले पावर प्रोजेक्टमा ७६ करोड २६ लाख रुपैयाँ लगानी गरेको छ भने ३३ करोड ५५ लाख रुपैयाँ अन्य क्षेत्रमा लगानी गरेको छ । कम्पनीको प्रतिशेयर नेटवर्थ १०९ रुपैयाँ ९० पैसा छ ।

अरुण भ्याली हाईड्रोपावर डेभलपमेन्ट कम्पनी लिमिटेड

अरुण भ्याली हाईड्रोपावर डेभलपमेन्ट कम्पनी लिमिटेड (Arun Valley Hydropower Development Co. Ltd.) ले आर्थिक वर्ष २०७३/७४ को चौथो त्रैमासमा खुद मुनाफा ८ करोड ९५ लाख रुपैयाँ कमाउन सफल भएको छ । जुन गत आवको सोहि अवधिको तुलनाभन्दा ५० दशमलव ८७ प्रतिशतले बढेको हो । अघिल्लो वर्षकोे सोहि अवधिमा हाईड्रो (AHPC) को मुनाफा ५ करोड ९३ लाख रुपैयाँ रहेको थियो ।

८४ करोड ८१ लाख रुपैयाँ चुक्ता पूँजी भएको कम्पनीको जगेडाकोषमा ९ करोड २३ लाख रुपैयाँ राखेको छ । लगानीमा सामान्य वृद्धि गरी ५५ करोड ११ लाख रुपैयाँ पुर्याएको छ । त्यस्तै बिक्रीमा ५ करोड १६ लाख रुपैयाँ रहेको छ । सञ्चालन मुनाफा गत वर्षको तुलनाभन्दा ४७ दशमलव ३६ प्रतिशतले बढेर ११ करोड २२ लाख रुपैंयाँ पुगेको छ । अघिल्लो वर्षको सोहि अवधिमा संचालन मुनाफा ७ करोड ६८ लाख रुपैयाँ रहेको थियो ।

कम्पनीको प्रति शेयर आम्दानी १० दशमलव ५६ रुपैयाँ, मुल्य आम्दनीको अनुपात २६ दशमलव १४ गुणा, प्रति शेयर नेटवर्थ १ सय १० दशमलव ८९ रुपैयाँ र तरलता अनुपात ६ दशमलव ०२ प्रतिशत रहेको छ ।

युनाइटेड मोदी हाइड्रोपावर कम्पनी लिमिटेड

युनाइटेड मोदी हाइड्रोपावर कम्पनी लिमिटेड (United Modi Hydropower Ltd.) ले आर्थिक वर्ष २०७३/७४ को चौथो त्रेमासमा खुद मुनाफा ४ करोड ८८ लाख रुपैयाँ कमाएको छ जुन अघिल्लो वर्षको तुलना भन्दा २४ दशमलव ०९ प्रतिशतले बढेको हो । अघिल्लो वर्षको सोहि अवधिमा मुनाफा ३ करोड ९३ लाख रुपैयाँ रहेको थियो ।

एक अर्ब १५ करोड रुपैयाँ चुक्ता पूँजी भएको युनाइटेड मोदी (UMHL)ले जगेडाकोषमा ६ करोड २४ लाख रुपैयाँ राखिएको छ । त्यस्तै लगानी १९ करोड ४० लाख रुपैयाँ गरेको छ । जसको प्रतिशेयर आम्दानी ४ दशमलव २४ रुपैयाँ, मुल्य आम्दानीको अनुपात ८० दशमलव ३५ गुणा, प्रतिशेयर नेटवर्थ १ सय ५ दशमलव ४२ रुपैयाँ र तरलता अनुपात ७ दशमलव ०१ प्रतिशत रहेको छ ।

बुटवल पावर कम्पनी लिमिटेड

बुटवल पावर कम्पनी लिमिटेड (Butwal Power Company Limited) ले आर्थिक वर्ष २०७३/७४ को चौथो त्रैमासमा खुद मुनाफा १२ दशमलव ८६ प्रतिशतले वृद्धि गरेको छ । यो अवधिमा कम्पनीले ६४ करोड ९३ लाख रुपैयाँ कमाउन सफल भएको छ । कम्पनीले गत वर्षको सोहि अवधिमा ५७ करोड ५९ लाख रुपैयाँ कमाएको थियो ।

एक अर्ब ८१ करोड रुपैयाँ चुक्ता पूँजी भएको कम्पनी (BPCL) ले जगेडाकोषमा २ अर्ब ३० करोड ५४ लाख रुपैयाँ पु¥याएको छ । कम्पनीको बिक्री ६८ करोड २१ लाख रुपैयाँ रहेको छ । जसको सञ्चालन आम्दानी १० दशमलव ५३ प्रतिशतले बढेर ६८ करोड २१ लाख रुपैयाँ रहेको छ भने सञ्चालन खर्च ९ दशमलव १२ प्रतिशतले बढेर ३१ करोड १२ लाख रुपैयाँ रहेको छ ।

बुटवल पावरको प्रतिशेयर आम्दानी ३५ दशमलव ८६ रुपैयाँ, मुल्य आम्दानीको अनुपात १७ दशमलव २९ गुणा, प्रतिशेयर नेटवर्थ २ सय २७ दशमलव ३३ रुपैयाँ रहेको छ ।

सिनर्जी पावर डेभलपमेन्ट लिमिटेड

सिनर्जी पावर डेभलपमेन्ट लिमिटेड (Synergy Power Development Ltd.) ले आर्थिक वर्ष २०७३/७४ को चौथो त्रैमासमा खुद मुनाफा १ करोड ७५ लाख रुपैयाँ कमाउन सफल भएको छ । अघिल्लो वर्षकोे सोहि अवधिमा ६ करोड ४५ लाख रुपैयाँ नोक्सानमा रहेको थियो ।

सिनर्जी पावर (SPDL) को चुक्ता पूँजी ७० करोड रुपैयाँ रहेको छ । बिक्रीमा २१ करोड २७ लाख रुपैयाँ रहेको छ । जसको आम्दानी ६ दशमलव १४ प्रतिशतले घटेर २१ करोड ४५ लाख रुपैयाँ रहेको छ । सञ्चालन मुनाफा १ करोड ७८ लाख रुपैंयाँ पुगेको छ । अघिल्लो वर्षको सोहि अवधिमा संचालन मुनाफा ६ करोड ४५ लाख रुपैयाँ नोक्सानमा रहेको थियो ।

कम्पनीको प्रति शेयर आम्दानी २ दशमलव ५० रुपैयाँ, मुल्य आम्दनीको अनुपात २ दशमलव ०५ प्रतिशत, प्रति शेयर नेटवर्थ ७८ दशमलव ६२ रुपैयाँ र बजार मूल्य प्रति शेयर २४३ रुपैयाँ रहेको छ ।

चिलिमेको मुनाफा मात्रै ३ करोडले बढ्यो

चिलिमे हाइड्रोपावर लिमिटेड (Chilime Hydropower Company Limited) ले आर्थिक वर्ष २०७३७४ मा ९६ करोड ६३ लाख खुद मुनाफा आर्जन गरेको छ । जुन अघिल्लो आवको तुलनामा ३ करोड रुपैयाँले बढी हो । कम्पनी (CHCL) ले अघिल्लो आवको सोही अवधिमा ९३ करोड ५५ लाख रुपैयाँ मुनाफा कमाएको थियो ।

कम्पनीले सोमबार सार्वजानिक गरेको वित्तीय विवरण अनुसार गत आर्थिक वर्षमा विद्युत बिक्रीबाट मात्रै १ अर्ब १९ करोड ६६ लाख रुपैयाँ आर्जन गरेको छ । जुन कम्पनीले अघिल्लो वर्षको सोही अवधिको तुलनामा ३ करोड ३७ बढी आम्दानी हो । कम्पनीले अघिल्लो आवको सोही अवधिमा १ अर्व १६ करोड ३१ लाख रुपैयाँ बराबरको विद्युत बिक्री गरेको थियो । विद्युत बिक्री गरेर आम्दानी बढेपनि ब्याज आम्दानी तथा अन्य आम्दानी घट्दा कम्पनीको समग्र मुनाफा आर्जन भने खासै बढ्न सकेको छैन्् ।

कम्पनीको शेयर पूँजी ३ अर्ब ४४ करोड रहेको छ भने जगेडामा ४ अर्ब ९३ करोड छ ।
त्यस्तै कम्पनीको प्रतिशेयर आम्दानी केही घटेको छ । गत आर्थिक वर्षमा कम्पनीको प्रतिशेयर मूल्य २८ रुपैयाँ ०३ पैसा रहेको छ । जबकि अघिल्लो आवमा प्रति शेयर मूल्य २९ रुपैयाँ ८५ पैसा थियो । कम्पनीको प्रतिशेयर नेटवर्थ २४३ रुपैयाँ १४ पैसा रहेको छ । त्यस्तै प्रतिशेयर कुल सम्पत्तिको मूल्य २५० रुपैयाँ ८१ पैसा छ ।

अरुण काबेली पावर लिमिटेड नोक्सानमा

अरुण काबेली पावर लिमिटेड (Arun Kabeli Power Ltd.) ले आर्थिक वर्ष २०७३/७४ को चौथो त्रैमासमा खुद मुनाफा ३८ लाख रुपैयाँ नोक्सानमा रहेको छ । जुन गत वर्षको सोहि अवधिमा पनि ५५ लाख रुपैयाँ नोक्सानमा नै रहेको थियो ।

१ अर्ब ५० करोड रुपैयाँ चुक्ता पूँजी भएको कम्पनी (AKPL) को जगेडाकोष १ करोड ४९ लाख रुपैयाँ नेगेटिभमा रहेको छ । जसको चालु सम्पत्ति १३ दशमलव ९१ प्रतिशतले घटेर ५० करोड १५ लाख रुपैयाँ रहेको छ भने चालु दायित्व ८५ दशमलव ४९ प्रतिशतले बढेर ३५ करोड ८३ लाख रुपैयाँ रहेको छ । जसको संचालन मुनाफा ३ लाख रुपैयाँ नोक्सानमा रहेको छ ।

अरुण काबेली पावरको प्रतिशेयर नेटवर्थ ९९ दशमलव ०१ रुपैयाँ, तरलता अनुपात १ दशमलव ४० प्रतिशत र प्रतिशेयर कुल सम्पत्तिको मूल्य २४८ दशमलव ५५ रुपैयाँ रहेको छ ।

NMB Bank Saral Bachat Khata

फेसबुकबाट तपाईको प्रतिक्रिया